Google Web Kuiergat

This page is powered by Blogger. Isn't yours?

My status

Enige terugvoer, kommentaar, kritiek, of net 'n boodskap is baie welkom. Skryf gerus vir my ; muisdruk hier Johann van Staden

Online dictionary at www.Answers.com

Tell me about:

Saturday, January 21, 2006

 

Afrikaans my taal ! Afrikaans my trots !

Ek kan rock in my taal
Ek maak amok in my taal
En ek kan skok in my taal
Ek kan rock in my taal

Amanda Strydom vat aan my hart ; vat aan alles wat ek is met haar sterk woorde in haar "Hoor hoe brom die wind". Dit gee my hoendervleis. Dit is mooi. Dit is Afrikaans !

Sonder Afrikaans het ek nie ‘n identiteitsvingerafdruk nie. Sonder my Afrikaans is ek 'n lewendige lewelose iets op reis na nerens.

My asem gly deur my taal
Ek word verlei deur my taal

Afrikaans is die mooiste taal in die wêreld - vir my. Engels is seker ook die mooiste taal. So is Zulu. So is Xhosa. So is Duits, en Frans, en Italiaans. Elke taal is die mooiste. Vir ander mense – nie vir my nie. En ek gun hulle dit. Gun my ook my liefde en respek en passie en lewe in en vir my taal.

En ek kan vry in my taal
Ek kan rock in my taal
Ek maak lawaai in my taal

Afrikaans het respek vir my. En ek het respek vir Afrikaans. Ons hou van mekaar. Ek vra niemand om my taal te beskerm nie. Maar gun my my taal. Ek sal haar lewe gee, en help om te groei, en om te bly. En om mooier en mooier en mooier te word...
Want Afrikaans is my taal. En ek is mos lief vir my taal.

Ek word so kwaai in my taal
Ek kan jou braai in my taal
En ek kan rock in my taal


EN EK KAN ROCK IN MY TAAL !

Comments> Post a Comment

<< Home